GEGURITAN OLEH-OLEH SAKA JAKARTA

GEGURITAN OLEH-OLEH SAKA JAKARTA

TAMAN TEMBANG DAN SASTRA - GEGURITAN - Sahabat Taman Tembang dan Sastra, salam sastra, raket santun ukhuwah. Kali Taman Tembang dan Sastra akan menyampaikan salah satu geguritan karya Parpal Poerwanto yang berjudul Oleh-oleh Saka Jakarta. 

Geguritan ini pernah dimuat di majalah Pustaka Candra (edisinya tidak terdokumentasi). Selengkapnya adalah sebagai berikut!

OLEH-OLEH SAKA JAKARTA

-50 taun RI mardika

Dening: Parpal Poerwanto

+ Mbok aku mulih, Mbok

   Nggawa crita, critane kutha Jakarta

   Monas Mbok. Monas!

-  Monas iku pa ta, ngger

+ Monas mono tugu dhuwur apepucuk emas

   Jakarta pancen sugih duweke pra kawula

   Monas adus kembang api, padhange kelangkung

   Yutan petromak. Swarane gumleger, muncratake cahya

   Maewu-ewu rupa. Moncar!

   Kawula Mbok, iku pestane kawula

   Jakarta pancen sugih, duweke kawula

   Iki delengen gambare!

- Apa iki ta, ngger?

+ Dudu Mbok, dudu

   Kuwi kompor tukang bakso njeblug nylametake

   Dagangane marga tansah diuber-uber kamtib

-  Sing iki?

+ Dudu Mbok, dudu

   Kuwi gambar omah diobong

- Diobong? Sapa sing ngobong?

+ Embuh Mbok ora weruh

- Kok ana sing nggawa penthung?

+ Padudon, kuwi regejegan

   Bengkerengan antarane kawula lan panguwasa

   Kawula kudu sumingkir marga warisan leluhur

   Wis dudu duweke maneh

- Lho, duweke sapa?

+ Duweke kawula Mbok, duweke kawula

   Kawula sing keblereng gambar cengkeh lan lutung

   ..................................................
   Simbok njegreg, aku unjal ambegan
   .................................................

-  Wis ta ngger pekaken critamu

   Endi oleh-olehmu saka Jakarta

   Adhimu Gatot SPP-ne nunggak telung sasi

   Slametan lebaran bae ora nyekel dhuwit sakethipa

   Aja mung crita ngayawara!

   : tan kocap, kajaba eluh kang setya ngancani raga

Bogor, 960207

Pustaka Candra

GEGURITAN OLEH-OLEH SAKA JAKARTA

Share this post

Berlangganan update artikel terbaru via email: