GEGURITAN AJA NGGAWA PEDHANG LAN DAKSANGGA
Tuesday, 19 December 2017
Add Comment
 |
| GEGURITAN AJA NGGAWA PEDHANG LAN DAKSANGGA |
TAMAN TEMBANG DAN SASTRA - GEGURITAN - Sahabat Taman Tembang dan Sastra, edisi kali ini ditampilkan dua geguritan sekaligus, yakni Aja Nggawa Pedhang dan Daksangga yang keduanya pernah dimuat di koran Poskita Minggu.
Geguritan karya Parpal Poerwanto tersebut selengkapnya adalah sebagai berikut.
AJA NGGAWA PEDHANG
Dening: Parpal Poerwanto
aja nggawa pedhang
awit iku dudu pepadhang
urip mbok sing sabar
samubarang gawe nalar
yen diagar-agari pedhang
aja tinggal glanggang
urip mung sepisan
aja isin kewirangan
aja nggawa pedhang
awit iku dudu pepadhang
sing kumecap saka ilat
landhep ngungkuli pedhang gilap
Wonogiri, 1 Mei 2000
Poskita Minggu Kliwon, 18 Februari 2001
DAKSANGGA
Dening: Parpal Poerwanto
daksangga sakabehing lelakon
kang njiret laku
nanging apa aku mung cukup
ngrakit gurit
manawa sliramu njerit
marga wis kelangan gapit?
dredah owah
yen jumangkah salah
ora obah kalah
lelumban tanpa wayah
daksangga sekabehing lelakon
dudu pepesthening Hyang Manon
Wonogiri, 14 April 2000
Poskita Minggu Kliwon, 18 Februari 2001
0 Response to "GEGURITAN AJA NGGAWA PEDHANG LAN DAKSANGGA"
Post a Comment