THATHIT KIANAT KARYA KANG GW
Saturday, 4 January 2020
Add Comment
 |
| THATHIT KIANAT KARYA KANG GW |
TAMAN TEMBANG DAN SASTRA – GEGURITAN – Sahabat Taman Tembang dan Sastra berjumpa kembali dengan Taman Geguritan. Kali ini ditampilkan geguritan karya Kang Gw berjudul Thathit Kianat yang termuat dalam antologi geguritan Tipak-Tipak Tatu.
Kang Gw adalah nama samaran dari Teguh yang lahir di Pracimantoro, Wonogiri, tanggal 18 Mulud 1903, hari Jumat Pahin, windu Adi, tahun Dal, wuku Pahang.
Hobi menulis semenjak belum mengenal bangku sekolah. Menulis apa saja dan di mana saja: kertas, meja, gebyog, dan krah baju. Suka mencoba hal-hal baru, menulis geguritan misalnya.
Pekerjaan sehari-hari adalah ikut mengelola sebuah lembaga pendidikan swasta di Kota Semarang.
Berikut ini adalah salah satu karyanya.
THATHIT KIANAT
Kang Gw
Lir ilir
Wancine tandur mèh nglilir
Mbok tani sajak kuwatir
Ngarep-arep udan lumintir
Wis sawatara dina
Mega mendhung mung mbebeda
Ésuk mentiyung soré lunga
Awan tumelung wengi sirna
Kala mangsa grimis sedhéla
Banjur nggeblas ninggal kuciwa
Mbok tani ndomblong tanpa ngresula
Geguritan ini belum selesai. Lihat dan baca lanjutannya berikut ini!
Dumadakan langit peteng limeng
Mendhung dhedhampyakan mubeng-mubeng
Srengéngé bedhug remeng-remeng
Mbok tani mesem ayem pikire anteng
Guntur jumlegur sumusul kilating thathit
Lir nggusah cah-cah kang lagi ngarit
Rerikatan gage-gage mulih nggenjrit
Keplayu pindha serdhadhu kasoran jurit
Dilampu wani wirang nyunggi suket mung saemprit
Ewa semana
Mbok tani ora gingsir
Timpuh ing galengan nyawang akasa
Kebak paminta marang pangreksa langit
Murih mendhung ambabar toya
Mangkono surasane dikir
Sajroning kidung wirid lan donga
Kang rinumpaka saeba gurit
Ewa semana
Mendhung wurung malih tirta
Ilang resik katiyup angin
Ngedoh saking sawah lan tegal
Tibane tlethik tan bisa jinangka
Mendhung lan thathit dhemen lelewa
Mbok tani sangsaya kingkin
Ngarep-arep udan sangsaya mokal
Mbok menawa
Wis dadi garising kodrat
Mbok tani kudu ngemut driji
Pendhak rendheng diiming-imingi
Mendhung keparat mung awoh barat
Thathit umuk mung apus krama
Lir-ilir
Tandure gagal nglilir
Mbok tani sing kudu nglilir
Marang lakune thathit
Mbok tani bakal niteni
Semawis, 20190222
Sahabat Taman Tembang dan Sastra, terima kasih atas kunjungannya. Bagi yang menginginkan Buku antologi geguritan Tipak-Tipak Tatu bisa menghubungi nomor 081393305359 dengan harga Rp50.000,- (belum termasuk ongkir) Tunggu unggahan kami selanjutnya, ya! Tengkyu.
0 Response to "THATHIT KIANAT KARYA KANG GW"
Post a Comment