Geguritan - Sumendhe - Taman Tembang dan Sastra

Geguritan - Sumendhe

TAMAN TEMBANG DAN SASTRA - GEGURITAN - Sahabat Taman Tembang dan Sastra, selamat berjumpa kembali. Salam sastra, rekat santun ukhuwah. Pada edisi kali ini akan disajikan sebuah geguritan (puisi berbahasa Jawa) yang berjudul Sumendhe.

Geguritan Sumendhe ini karya Parpal Poerwanto. Selengkapnya adalah sebagai berikut.

SUMENDHE

Dening: Parpal Poerwanto

Dakrunut tepising wengi kang isih nyisakake wektu

Daknut ilining banyu kang setya nuntun laku

Dakcencang ayang ayang kang tansah kumleyang

Nanging ana ngendi dununge rasa jati nyingkirke was sumelang?

Kang lair samburine ragil

memucuki para pengarep

mangumbul sandhuwuring sundhul

gumelar ngungkuli jembaring bawera

mabur tanpa suwiwi

mandeng prastawa tanpa netra

kuwasa tanpa tandhingan

gedhe tanpa ukuran

tunggal tanpa wilangan

dhedhampar kursi arasy

mawujud tanpa rerupa

Nanging ana ngendi

Dununge sejati?

Kabeh isih mujudage pitakon lungse

Lamun ati durung seleh sumereh

Tansah goreh,

Ora jenjem, adoh rasa adhem tentrem

Kamangka

Sayektine rasa jati iku dumunung ing pribadhi

Kang tansah ndhepeple luhuring Gusti

Mula, ayo tansah sumendhe

Wonogiri, 26-12-2015

Sahabat Taman Tembang dan Sastra, geguritan ini pernah ditulis dengan nama samaran Gatot Sunarto.

Geguritan - Sumendhe